ಕರಾವಳಿ ಕರ್ನಾಟಕದಲ್ಲಿ ಲಾಭದಾಯಕ ಉದ್ಯಮ ಅಂತ ಖ್ಯಾತಿಯಾಗಿರುವ ಜೇನು ಕೃಷಿ (honey harvesting) ಮತ್ತೊಂದು ಮೈಲಿಗಲ್ಲನ್ನು ದಾಟಿದೆ. ಕರ್ನಾಟಕದಲ್ಲಿ ಪ್ರಥಮ ಬಾರಿಗೆ ಸೆರೆನಾ ತಳಿಯಿಂದ ಜೇನುವಿಷ (honey poison) ಪಡೆಯುವ ಯಂತ್ರವನ್ನು ಕಟೀಲು ಸಮೀಪದ ಕಿನ್ನಿಗೋಳಿಯ ಪ್ರಜ್ವಲ್ ಶೆಟ್ಟಿಗಾರ್ (prajwal shettigar) ಎಂಬುವರು ತಯಾರಿಸಿ ಯಶಸ್ಸು ಸಾಧಿಸಿದ್ದಾರೆ.ಡಿಸ್ಕ್ ಜಾಕಿ (ಡಿಜೆ) ಆಗಿರುವ ಪ್ರಜ್ವಲ್ ಪರ್ಯಾಯ ಉದ್ಯೋಗದ ಹುಡುಕಾಟದಲ್ಲಿದ್ದಾಗ ಜೇನು ಕೃಷಿ ಸೆಳೆಯಿತು. ಇದರಲ್ಲೂ ಜೇನು ವಿಷ ಸಂಗ್ರಹದ ಬಗ್ಗೆ ಕುತೂಹಲ ಮೂಡಿತು. ಕರಾವಳಿ, ಮಲೆನಾಡಿನಲ್ಲಿ ಅಧಿಕ ಪ್ರಮಾಣದಲ್ಲಿರುವ ಸೆರೆನಾ ಜೇನು ಹುಳ ತಳಿಯಿಂದ ವಿಷ ಸಂಗ್ರಹಿಸುವ ಯಂತ್ರ ಲಭ್ಯವಿಲ್ಲದ ಕಾರಣ ಸ್ವತಃ ಸಂಶೋಧನೆಗಿಳಿದು ಪ್ರತ್ಯೇಕ ಬೀ ವೆನಮ್ ಎಕ್ಸ್‌ಟ್ರಾೃಕ್ಟರ್ ಕಂಡುಹಿಡಿದಿದ್ದಾರೆ.
ಬೀ ವೆನಮ್ ಎಕ್ಸ್‌ಟ್ರಾಕ್ಟರ್ ಸಂಶೋಧನೆ
ಕರಾವಳಿ ಭಾಗದಲ್ಲಿ ಜೇನುತುಪ್ಪ ಸಂಗ್ರಹಿಸುವ ಸಾಕಷ್ಟು ಕೃಷಿಕರಿದ್ದರೂ ಉಪಉತ್ಪನ್ನವಾದ ಜೇನು ವಿಷ ಸಂಗ್ರಹಿಸುವವರಿಲ್ಲ. ಆದ್ರೆ ಪ್ರಜ್ವಲ್ ಶೆಟ್ಟಿಗಾರ್ ಜೇನು ವಿಷ ಅಂದ್ರೆ ಬೀ ವೇನಮ್ ಪಡೆಯುವ ಯಂತ್ರವನ್ನು ಸ್ವತ ತಯಾರಿಸಿ ವಿಷ ಸಂಗ್ರಹಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪ್ರಜ್ವಲ್ ಅವರು ಕಳೆದೊಂದು ತಿಂಗಳಿನಿಂದ ವಿವಿಧ ಪ್ರದೇಶಗಳಲ್ಲಿ ವಿಷ ಸಂಗ್ರಹ, ನೊಣಗಳ ಚಟುವಟಿಕೆ, ಫ್ರಿಜ್‌ನಲ್ಲಿ ಕಾಪಾಡುವ ಅಧ್ಯಯನ ಮಾಡಿ ಪರಿಪೂರ್ಣ ಯಶಸ್ವಿಯಾಗಿದ್ದಾರೆ. ಸದ್ಯ ಐದು ರೀತಿಯ ಬೀ ವೆನಮ್ ಎಕ್ಸ್‌ಟ್ರಾಕ್ಟರ್ ರೆಡಿ ಮಾಡಿದ್ದಾರೆ.
ಕರಾವಳಿ, ಮಲೆನಾಡಿನಲ್ಲಿ ಅಧಿಕ ಪ್ರಮಾಣದಲ್ಲಿರುವ ಸೆರೆನಾ ಜೇನು ಹುಳ ತಳಿಯಿಂದ ವಿಷ ಸಂಗ್ರಹಿಸುವ ಯಂತ್ರ ಲಭ್ಯವಿಲ್ಲದ ಕಾರಣ ಸ್ವತಃ ಸಂಶೋಧನೆಗಿಳಿದು ಪ್ರತ್ಯೇಕ ಬೀ ವೆನಮ್ ಎಕ್ಸ್‌ಟ್ರಾೃಕ್ಟರ್ ಕಂಡುಹಿಡಿದಿದ್ದಾರೆ.ಇವರ ಸಾಹಸದಲ್ಲಿ ಮಂಗಳೂರಿನ ಸಹಾಯಕ ತೋಟಗಾರಿಕೆ ಅಧಿಕಾರಿ ಯುಗೇಂದ್ರ, ಜೇನು ಅನುವುಗಾರ ಪ್ರವೀಣ್, ಜೇನುಕೃಷಿಕರಾದ ನವೀನ್ ಮಂಗಳೂರು, ಸುಳ್ಯ ಪಡ್ಪುಫಾರ್ಮ್ಸ್‌ನ ವಿವೇಕ್, ಲಿಖಿತ್ ಕೊಡ್ತುಗುಳಿ ನೆರವಾಗಿದ್ದಾರೆ. ಅಶೋಕ್ ಶೆಟ್ಟಿಗಾರ್ ಕುಳಾಯಿ ತಾಂತ್ರಿಕ ಮಾರ್ಗದರ್ಶನ ನೀಡಿ ಪ್ರೋತ್ಸಾಹಿಸಿದ್ದಾರೆ.ವಿವಿಧ ಪ್ರದೇಶದಲ್ಲಿ ವಿಷ ಸಂಗ್ರಹಿಸುವ ಕ್ರಮ, ನೊಣಗಳ ಚಟುವಟಿಕೆ ಬಗ್ಗೆ ಅಧ್ಯಯನ ನಡೆಸಿ ಸಂಪೂರ್ಣ ಯಶಸ್ಸು ಸಾಧಿಸಿದ್ದಾರೆ.
