ಭಾರತದ ರೂಪಾಯಿಗೆ ಅಂತರಾಷ್ಟ್ರೀಯ ಕರೆನ್ಸಿಯಾಗಲು ಅವಕಾಶ!

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ವರದಿಯ ಪ್ರಕಾರ, ಉಕ್ರೇನ್ ಮೇಲೆ ರಷ್ಯಾದ ಆಕ್ರಮಣದಿಂದ ಭಾರತದ ರೂಪಾಯಿಗೆ ಶುಕ್ರದೆಸೆಯ ಯೋಗ ಬರುವ ಸಾಧ್ಯತೆಯಿದೆ ಎಂದು ವರದಿಯಾಗಿದೆ,. ಈಕುರಿತು ಸ್ವತಃ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಆರ್ಥಿಕ ಸಲಹೆಗಾರ್ತಿ ಸೌಮ್ಯ ಕಾಂತಿ ಘೋಷ್ ಪ್ರಸ್ತಾಪಿಸಿದ್ದು ಭಾರತ ರೂಪಾಯಿ ಅಂತರಾಷ್ಟ್ರೀಯ ಮಟ್ಟದಲ್ಲಿ ಪ್ರಾಬಲ್ಯ ಸಾಧಿಸುವ ಸಮಯದ ಕುರಿತು ಕೆಲವು ಸುಳಿವುಗಳನ್ನು ನೀಡಿದ್ದಾರೆ. ರಷ್ಯಾ ಉಕ್ರೇನ್ ಯುದ್ಧದಿಂದ ಅಮೆರಿಕದ ಡಾಲರ್ ವಿರುದ್ಧ ಭಾರತ ರೂಪಾಯಿಗೆ ಏರುಗತಿ ಬರುವ ಸಾಧ್ಯತೆಯ ಕುರಿತು ನೀವೂ ತಿಳಿದುಕೊಳ್ಳಿ.

ವಹಿವಾಟಿನಲ್ಲಿರುವ ಹಣವೊಂದರ ಅಂತರರಾಷ್ಟ್ರೀಕರಣ ಎಂದರೆ ಆ ಕರೆನ್ಸಿಯನ್ನು ಒಂದೆ ದೇಶದ ನಿವಾಸಿಗಳು ಮತ್ತು ಅನಿವಾಸಿಗಳು ಅಂದರೆ ಇತರ ದೇಶಗಳಲ್ಲಿ ವಾಸಿಸುವವರು ಸಹ ಮುಕ್ತವಾಗಿ ವಹಿವಾಟು ಮಾಡಬಹುದು ಮತ್ತು ಜೊತೆಗೆ ಜಾಗತಿಕ ವ್ಯಾಪಾರಕ್ಕಾಗಿ ಕೊಡು ಕೊಳ್ಳುವಿಕೆಗೆ ಮೀಸಲು ಕರೆನ್ಸಿಯಾಗಿ ಬಳಸಬಹುದು.

ರೂಪಾಯಿ-ರೂಬಲ್
ಉಕ್ರೇನ್ ಮೇಲೆ ಆಕ್ರಮಣ ಮಾಡಿದ್ದಕ್ಕಾಗಿ ರಷ್ಯಾದ ಮೇಲೆ ಪಾಶ್ಚಿಮಾತ್ಯ ದೇಶಗಳು ಆರ್ಥಿಕ ನಿರ್ಬಂಧಗಳನ್ನು ಹೇರಿವೆ. ಹೀಗಾಗಿ ವಿವಿಧ ಅಂತರಾಷ್ಟ್ರೀಯ ವಹಿವಾಟುಗಳನ್ನು ನಡೆಸಲು ರೂಪಾಯಿ-ರೂಬಲ್ ಅಥವಾ ಯುವಾನ್-ರೂಬಲ್ ವ್ಯಾಪಾರವನ್ನು ಪ್ರಸ್ತಾಪಿಸುವ ದೇಶಗಳು ಭಾರತೀಯ ಕರೆನ್ಸಿಯ ಅಂತರಾಷ್ಟ್ರೀಕರಣಕ್ಕೆ ಒಂದು ಅವಕಾಶವಾಗಿದೆ.

ಜಾಗತಿಕ ಆರ್ಥಿಕ ಬಿಕ್ಕಟ್ಟಿನ ಸಂದರ್ಭದಲ್ಲಿ, ರೂಪಾಯಿಯು ಜನವರಿ 2008 ರಿಂದ ಜುಲೈ 2011 ರವರೆಗೆ ಕುಸಿತವನ್ನು ಮುಂದುವರೆಸಿ ಶೇಕಡಾ 13 ರಷ್ಟು ಕಳೆದುಕೊಂಡಿತು.

ಭಾರತಕ್ಕೆ ಕಡಿಮೆ ಬೆಲೆಗೆ ಪೆಟ್ರೋಲ್ ಕೊಡ್ತೀವಿ..
ರಷ್ಯಾ ಎದುರಿಸುತ್ತಿರುವ ನಿರ್ಬಂಧಗಳಿಂದಾಗಿ ಸ್ವಿಫ್ಟ್ ಪಾವತಿ ವ್ಯವಸ್ಥೆಯ ಮೂಲಕ ಅಂತರರಾಷ್ಟ್ರೀಯ ವ್ಯಾಪಾರ ಪಾವತಿಗಳನ್ನು ಮಾಡಲಾಗದ ಪರಿಸ್ಥಿತಿ ಜಗತ್ತಿನ ಅತಿ ದೊಡ್ಡ ದೇಶಕ್ಕೆ ಬಂದೊದಗಿದೆ. ರಷ್ಯಾದ ಉಪ ಪ್ರಧಾನಿ ಅಲೆಕ್ಸಾಂಡರ್ ನೊವಾಕ್ ಕಳೆದ ವಾರ ಭಾರತದ ಪೆಟ್ರೋಲಿಯಂ ಸಚಿವ ಹರ್ದೀಪ್ ಸಿಂಗ್ ಪುರಿ ಅವರೊಂದಿಗೆ ಮಾತನಾಡಿದ್ದು, ಭಾರತಕ್ಕೆ ಹೆಚ್ಚಿನ ಕಚ್ಚಾ ತೈಲವನ್ನು ಕೊಂಚ ಕಡಿಮೆ ಬೆಲೆಗೆ ಪೂರೈಸುವುದಾಗಿ ಪ್ರಸ್ತಾಪಿಸಿದ್ದಾರೆ.

ರೂಪಾಯಿಯಲ್ಲೇ ಪಾವತಿಸಿ!
ರಷ್ಯಾದ ತೈಲ ಕಂಪನಿಗಳು ಕಡಿಮೆ ಬೆಲೆಗೆ ತೈಲವನ್ನು ಪೂರೈಸಲು ಸಿದ್ಧವಾಗಿವೆ ಎಂದು ಅವರು ಹೇಳಿದರು. ಅಂತಹ ಒಪ್ಪಂದಗಳಿಗೆ ಡಾಲರ್‌ಗಳಲ್ಲಿ ಪಾವತಿಸುವ ಬದಲು ರೂಪಾಯಿ-ರೂಬಲ್‌ನಲ್ಲಿ ಪಾವತಿಸುವ ಪ್ರಸ್ತಾಪವು ಸಹ ಇದ್ದು ಭಾರತ ಮತ್ತು ರಷ್ಯಾ ಎರಡೂ ದೇಶಗಳು ಈ ಪದ್ಧತಿಯನ್ನು ಅತ್ಯಂತ ಗಂಭಿರವಾಗಿ ಪರಿಗಣಿಸಿವೆ.

ಇಂಧನ ಮತ್ತು ಇಂಧನ ಉದ್ಯಮದಲ್ಲಿ ಪ್ರಸ್ತುತ ಮತ್ತು ಸಂಭಾವ್ಯ ಜಂಟಿ ಯೋಜನೆಗಳನ್ನು ಎರಡೂ ದೇಶಗಳು ಚರ್ಚಿಸಿವೆ. ಪ್ರಸ್ತುತ ಯೋಜನೆಗಳು ಸ್ಥಿರವಾಗಿ ಕಾರ್ಯಗತಗೊಳ್ಳುವುದನ್ನು ಮುಂದುವರೆಸಿ ಎಂದು ರಷ್ಯಾದ ಸರ್ಕಾರವು ಹೇಳಿಕೆಯಲ್ಲಿ ತಿಳಿಸಿದೆ. ರಷ್ಯಾದ ಸಂಸ್ಥೆಗಳು ಸಹ ಭಾರತಕ್ಕೆ ಕಚ್ಚಾ ತೈಲಕ್ಕೆ ಭಾರಿ ರಿಯಾಯಿತಿಗಳನ್ನು ನೀಡುತ್ತಿವೆ.

ಆದರೂ ಡಾಲರ್ ಪ್ರಾಬಲ್ಯ ಮುಂದುವರೆಯಲಿದೆ
ಮುಂದಿನ ಕೆಲವು ದಶಕಗಳಲ್ಲಿ ಅಮೆರಿಕದ ಕರೆನ್ಸಿಯಾದ ಡಾಲರ್​ನ ಪ್ರಾಬಲ್ಯವು ಮುಂದುವರಿಯುವ ಸಾಧ್ಯತೆಯಿದೆ. ಸದ್ಯ ರಷ್ಯದ ಮೇಲೆ ಅಮೆರಿಕಾ, ಯೂರೋಪಿಯನ್ ಯೂನಿಯನ್ ಸೇರಿ ಹಲವು ದೇಶಗಳು ವ್ಯಾಪಾರ ನಿರ್ಬಂಧ ವಿಧಿಸಿವೆ.

ಎಸ್‌ಬಿಐ ಮುಖ್ಯಸ್ಥರೊಬ್ಬರು ಮಾತನಾಡಿ, ಮುಂದಿನ ದಶಕಗಳವರೆಗೆ ಯುಎಸ್ ಡಾಲರ್ ವಿಶ್ವ ವ್ಯಾಪಾರದಲ್ಲಿ ಪ್ರಾಬಲ್ಯ ಸಾಧಿಸಲಿದೆ. ಚಿನ್ನವನ್ನು ಅಂತರರಾಷ್ಟ್ರೀಯ ಕರೆನ್ಸಿಯಾಗಿ ಬಳಸಲು ಸೂಕ್ತ ಸಂದರ್ಭ ಇರಬೇಕು ಎಂದು ಹೇಳಿದರು.

ನಿರ್ಬಂಧಗಳಿಗೆ ಕಿವಿಗೊಡಬಾರದು!
ಆದರೂ ಆಯ್ದ ರಾಷ್ಟ್ರಗಳು ರಷ್ಯಾದ ಜೊತೆ ಅಂತರ್-ಪ್ರಾದೇಶಿಕ ವ್ಯಾಪಾರಗಳನ್ನು ಮುಂದುವರಿಸಲು ಬಯಸುತ್ತಿವೆ. ಕೆಲವು ದೇಶಗಳಿಗೆ ರಷ್ಯಾದ ಜೊತೆಗಿನ ವ್ಯಾಪಾರ ಅನಿವಾರ್ಯ ಸಹ. ಪಾಶ್ಚಿಮಾತ್ಯ ನಿರ್ಬಂಧಗಳನ್ನು ಧಿಕ್ಕರಿಸಿ ಅಥವಾ ಪರಿಗಣಿಸದೇ ರಷ್ಯಾದ ಜತೆ ವಹಿವಾಟು ನಡೆಸಲು ಭಾರತದಂತಹ ಪ್ರಬಲ ದೇಶಗಳು ತಮ್ಮ ಕರೆನ್ಸಿಯನ್ನು ಮುನ್ನೆಲೆಯಲ್ಲಿ ಇಟ್ಟುಕೊಂಡು ವಹಿವಾಟು ನಡೆಸುವ ಸಾಧ್ಯತೆ ಹೆಚ್ಚಾಗಿದೆ.

ಆದರೂ ಇದು ರೂಪಾಯಿಯ ಅಂತರಾಷ್ಟ್ರೀಕರಣದ ಲೆಕ್ಕಾಚಾರದ ಕ್ಷಣವನ್ನು ಪ್ರಸ್ತುತಪಡಿಸಬೇಕು. ಪರ್ಯಾಯ ಪಾವತಿ ಮತ್ತು ವಸಾಹತು ಕಾರ್ಯವಿಧಾನಗಳನ್ನು ಅಭಿವೃದ್ಧಿಪಡಿಸುವ ಅಗತ್ಯವನ್ನು ಆಧಾರವಾಗಿಟ್ಟುಕೊಳ್ಳಬೇಕು. ಕಬ್ಬಿಣವು ಬಿಸಿಯಾದಾಗ ಅದನ್ನು ಹಿಡಿಯೋಣ! ಎಂದು ಸೌಮ್ಯಾ ಕಾಂತಿ ಘೋಷ್ ತಿಳಿಸಿದ್ದಾಗಿ ವರದಿಗಳು ತಿಳಿಸಿವೆ.