ನವದೆಹಲಿ: ಪೆಟ್ರೋಲ್, ಡೀಸೆಲ್ ಬೆಲೆ ಈಗ ಜನಸಾಮಾನ್ಯರಿಗೆ ದೊಡ್ಡ ಹೊರೆಯಾಗಿದೆ. ಹೀಗಾಗಿ ಇಂದಿನ ದಿನಗಳಲ್ಲಿ ಕಾರು ನಿರ್ವಹಣೆ ಮಾಡುವುದು ತುಂಬಾ ಕಷ್ಟಕರವಾಗುತ್ತಿದೆ. ಎಲೆಕ್ಟ್ರಿಕ್ ವಾಹನಗಳು(Cheapest Electric Car) ಈಗಾಗಲೇ ಭಾರತೀಯ ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಪ್ರಾರಂಭಿಸಿವೆ. ಹೆಚ್ಚಿನ ಗ್ರಾಹಕರು ಈಗ ಅವುಗಳನ್ನು ಇಷ್ಟಪಡುತ್ತಿದ್ದಾರೆ. ಆದರೆ ಅವುಗಳಲ್ಲಿ ಹೆಚ್ಚಿನವು ಖರೀದಿಗೆ ಸ್ವಲ್ಪ ಹೆಚ್ಚು ವೆಚ್ಚವಾಗುತ್ತವೆ. ಆದಾಗ್ಯೂ ಒಂದು ಕಾರನ್ನು ಮಿತವ್ಯಯ ಎಂದೂ ಕರೆಯಲಾಗುತ್ತಿದೆ. ಇದು ಒಂದೇ ಒಂದು ಚಾರ್ಜ್‌ನಲ್ಲಿ ಬಹು ದೂರದವರೆಗೆ ಕ್ರಮಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಈ ಕಾರು ಭಾರತದಲ್ಲಿನ ಅತ್ಯಂತ ಅಗ್ಗದ ಎಲೆಕ್ಟ್ರಿಕ್ ಕಾರ್(Tata Electric Car) ಎಂದು ಹೇಳಲಾಗುತ್ತಿದೆ. ಇದರ ಆರಂಭಿಕ ಎಕ್ಸ್ ಶೋ ಬೆಲೆ 12 ಲಕ್ಷ ರೂ.ಗಿಂತಲೂ ಕಡಿಮೆ. ಈಗ ನಾವು ಹೇಳುತ್ತಿರುವುದು ಟಾಟಾ ಮೋಟಾರ್ಸ್‌ನ ಟಿಗೋರ್ ಇವಿ(Tata Tigor Ev) ಬಗ್ಗೆ. ಈ ಎಲೆಕ್ಟ್ರಿಕ್ ಕಾರು ಒಂದು ಬಾರಿ ಚಾರ್ಜ್ ಮಾಡಿದರೆ ಸಾಕು 300 ಕಿ.ಮೀ.ವರೆಗೆ ಮೈಲೇಜ್ ನೀಡುತ್ತದೆ. ಅಂದರೆ ಕೇವಲ 50 ಪೈಸೆ ಖರ್ಚಿನಲ್ಲಿ ಈ ಕಾರು ನಿಮಗೆ 1 ಕಿಮೀ ಮೈಲೇಜ್ ನೀಡುತ್ತದೆ
ಆರಂಭಿಕ ಬೆಲೆ 11.99 ಲಕ್ಷ ರೂ.
ಈ ಕಾರಿನ ಆರಂಭಿಕ ಎಕ್ಸ್ ಶೋ ರೂಂ ಬೆಲೆ 11.99 ಲಕ್ಷ ರೂ. ಆಗಿದೆ. ಕಾರು 306 ಕಿಮೀಗಳ ವಿಸ್ತೃತ ARAI ಪ್ರಮಾಣೀಕೃತ ವ್ಯಾಪ್ತಿಯನ್ನು ಹೊಂದಿದೆ ಎಂದು ಹೇಳಲಾಗಿದೆ. Tigor EV 73 Bhp ಮತ್ತು 170 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಪವರ್ 26-kWh ಲಿಕ್ವಿಡ್-ಕೂಲ್ಡ್, ಹೆಚ್ಚಿನ ಶಕ್ತಿಯ ಸಾಂದ್ರತೆಯ ಬ್ಯಾಟರಿ ಪ್ಯಾಕ್‌ನಿಂದ ಬರುತ್ತದೆ. ಹವಾಮಾನಕ್ಕೆ ತಕ್ಕಂತೆ ಕಾರು IP67 ರೇಟೆಡ್ ಬ್ಯಾಟರಿ ಪ್ಯಾಕ್ ಮತ್ತು ಮೋಟರ್ ಅನ್ನು ಹೊಂದಿದೆ. ಕಾರನ್ನು 8 ವರ್ಷಗಳು, 160,000 ಕಿಮೀ ಬ್ಯಾಟರಿ ಮತ್ತು ಮೋಟಾರ್ ವಾರಂಟಿಯೊಂದಿಗೆ ನೀಡಲಾಗುತ್ತಿದೆ.
ಡ್ಯುಯಲ್ ಟೋನ್ ಆಯ್ಕೆಯೂ ಲಭ್ಯವಿದೆ
ಕಂಪನಿಯು ಹೊಸ Tigor EV ಅನ್ನು XE, XM ಮತ್ತು XZ+ ಎಂಬ 3 ರೂಪಾಂತರಗಳಲ್ಲಿ ನೀಡುತ್ತಿದೆ. XZ+ ನಲ್ಲಿ ಡ್ಯುಯಲ್ ಟೋನ್ ಆಯ್ಕೆಯೂ ಲಭ್ಯವಿದೆ. ಉತ್ತಮ ಡ್ರೈವಿಂಗ್ ಡೈನಾಮಿಕ್ಸ್ ಮತ್ತು ವೇಗದ ನಿರ್ವಹಣೆಗಾಗಿ ಕಾರು ಸಮತೋಲಿತ ಸಸ್ಪೆನ್ಷನ್‌ನೊಂದಿಗೆ ಬರುತ್ತದೆ ಎಂದು ಟಾಟಾ ಹೇಳಿಕೊಂಡಿದೆ. ಇತರ ವೈಶಿಷ್ಟ್ಯಗಳನ್ನು ನೋಡುವುದಾದರೆ Electrically Adjustable ಮತ್ತು ಮಡಿಸಬಹುದಾದ ORVM ಗಳು ಮತ್ತು ಪುಶ್ ಬಟನ್ ಸ್ಟಾರ್ಟ್‌ನೊಂದಿಗೆ ಸ್ಮಾರ್ಟ್ ಕೀಗಳನ್ನು ಒಳಗೊಂಡಿವೆ. ರಿಮೋಟ್ ಕಮಾಂಡ್‌ಗಳು ಮತ್ತು ರಿಮೋಟ್ ಡಯಾಗ್ನೋಸ್ಟಿಕ್ಸ್ ಸೇರಿದಂತೆ 30+ ಸಂಪರ್ಕಿತ ಕಾರ್ ವೈಶಿಷ್ಟ್ಯಗಳೊಂದಿಗೆ ಇದು ಬರುತ್ತದೆ.
ವೇಗದ ಹಾಗೂ ನಿಧಾನ ಚಾರ್ಜ್
ಕಾರು ಜಾಗತಿಕವಾಗಿ ಗುರುತಿಸಲ್ಪಟ್ಟ CCS2 ಚಾರ್ಜಿಂಗ್ ಸಿಸ್ಟಮ್‌ನೊಂದಿಗೆ ಬರುತ್ತದೆ. ಯಾವುದೇ 15A ಪ್ಲಗ್ ಪಾಯಿಂಟ್‌ನಿಂದ ವೇಗವಾಗಿ ಮತ್ತು ನಿಧಾನವಾಗಿ ಚಾರ್ಜ್ ಮಾಡಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಗ್ಲೋಬಲ್ NCAP Tigor EV ಗಾಗಿ ಕ್ರ್ಯಾಶ್ ಟೆಸ್ಟ್ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಈ ಕಾರು 4-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಇದು ಹಿರಿಯರು ಮತ್ತು ಮಕ್ಕಳ ಸುರಕ್ಷತೆಗಾಗಿ 4 ಸ್ಟಾರ್ ಪಡೆದುಕೊಂಡಿದೆ. ಸಂಸ್ಥೆಯ ‘ಸೇಫರ್ ಕಾರ್ಸ್ ಫಾರ್ ಇಂಡಿಯಾ’ ಉಪಕ್ರಮದಡಿ ಕ್ರ್ಯಾಶ್ ಟೆಸ್ಟ್ ಮಾಡಲಾಗಿದೆ.
