ಬೆಂಗಳೂರು : ರಾಜ್ಯದಲ್ಲಿ ಕೊರೋನಾ ಸೋಂಕು ದಿನದಿಂದ ದಿನಕ್ಕೆ ತೀವ್ರವಾಗಿ ಹೆಚ್ಚುತ್ತಿದೆ. ಎಲ್ಲರಲ್ಲೂ ಆತಂಕವನ್ನು ಸೃಷ್ಟಿಮಾಡಿದೆ. ಬೆಂಗಳೂರಲ್ಲಿ ಮತ್ತೆ ಕೊರೋನಾ ಮಹಾ ಸ್ಫೋಟವಾಗಿದೆ. ಕೊರೋನಾ ಬೆಂಗಳೂರಿನ ದಿಕ್ಕು-ದಿಕ್ಕುಗಳಿಗೆ ಶಾಕ್ ಕೊಡುತ್ತಿದ್ದು, ಎಂಟು ವಲಯಗಳ ಪೈಕಿ ಬೊಮ್ಮನಹಳ್ಳಿ ಝೋನ್ ಡೇಂಜರ್ ಆಗಿದೆ.
ಬೊಮ್ಮನಹಳ್ಳಿ ವಲಯದಲ್ಲಿ 412 ಮಂದಿಗೆ ಕೊರೋನಾ ಸೋಂಕು ಪತ್ತೆಯಾಗಿದೆ. ಮಹದೇವಪುರದಲ್ಲಿ 717 ಕೇಸ್ , ಬೆಂಗಳೂರು ಪೂರ್ವ ದಲ್ಲಿ 744 ಕೇಸ್ , ಬೆಂಗಳೂರು ದಕ್ಷಿಣದಲ್ಲಿ 483 ಕೇಸ್, ಯಲಹಂಕದಲ್ಲಿ 232 ಕೇಸ್ ಪತ್ತೆ ಯಾಗಿದೆ. ಬೆಂಗಳೂರು ಪಶ್ಚಿಮದಲ್ಲೂ 325 ಕೇಸ್, ಆರ್.ಆರ್.ನಗರದಲ್ಲಿ 197 ಕೇಸ್, ದಾಸರಹಳ್ಳಿ ವಲಯದಲ್ಲಿ 37 ಮಂದಿಗೆ ಕೊರೋನಾ ಸೋಂಕು ಪತ್ತೆಯಾಗಿದೆ. ಇವತ್ತು ಬೆಂಗಳೂರಿನಲ್ಲಿ 3 ಸಾವಿರಕ್ಕೂ ಹೆಚ್ಚು ಕೇಸ್ ಪತ್ತೆಯಾಗುವ ಸಾಧ್ಯತೆ ಇದೆ.
