ಟಾಲಿವುಡ್ ಡಾರ್ಲಿಂಗ್ ಪ್ರಭಾಸ್ ಅವರು ಇಂದು 42ನೇ ಹುಟ್ಟುಹಬ್ಬ ಸಂಭ್ರಮ. ತೆಲುಗು ಸಿನಿರಂಗದ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಪ್ರಭಾಸ್ ಅವರಿಗೆ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಹೆಸರು ತಂದುಕೊಟ್ಟುದ್ದು ರಾಜಮೌಳಿ ನಿರ್ದೇಶನದ ಬಾಹುಬಲಿ ಸರಣಿ ಸಿನಿಮಾಗಳು. ಹೌದು, ಬಾಹುಬಲಿ ಪಾತ್ರದಲ್ಲಿ ಮಿಂಚಿದ ಪ್ರಭಾಸ್ ಈಗ ನ್ಯಾಷನಲ್ ಸ್ಟಾರ್. ಈ ಸಿನಿಮಾದಲ್ಲಿ ಪ್ರಭಾಸ್ ಅವರಿಗೆ ನಾಯಕಿಯಾಗಿ ಅನುಷ್ಕಾ ಶೆಟ್ಟಿ ನಟಿಸಿದ್ದಾರೆ.
ಹೌದು, ಈ ಜೋಡಿ ಟಾಲಿವುಡ್ನ ಬಹುತೇಕರ ಹಾಟ್ ಫೇವರಿಟ್. ಇವರು ನಿಜ ಜೀನವದಲ್ಲೂ ಮದುವೆಯಾದರೆ ಎಷ್ಟು ಚೆನ್ನಾಗಿರುತ್ತದೆ ಎಂದು ಈಗಲೂ ಅಭಿಮಾನಿಗಳು ಇಷ್ಟ ಪಡುತ್ತಾರೆ. ಏಕೆಂದರೆ ಈ ಇಬ್ಬರೂ ಇನ್ನೂ ಮದುವೆಯಾಗಿಲ್ಲ. ಸಿಂಗಲ್ಲಾಗಿರುವ ಇವರು ಯಾವಾಗ ಮಿಂಗಲ್ ಆಗ್ತಾರೆ ಅಂತಾ ಫ್ಯಾನ್ಸ್ ಕಾಯುತ್ತಿದ್ದಾರೆ. ಈ ಜೋಡಿ ಒಟ್ಟಿಗೆ ನಟಿಸಿದ ಸಿನಿಮಾಗಳೂ ಸಹ ಬಾಕ್ಸಾಫಿಸ್ನಲ್ಲಿ ಸದ್ದು ಮಾಡಿವೆ.
ಈ ಜೋಡಿ ಇಂದಿಗೂ ತಾವು ಒಳ್ಳೆಯ ಸ್ನೇಹಿತರು ಎಂದೇ ಹೇಳಿಕೊಳ್ಳುತ್ತಾರೆ. ಈ ಹಿಂದೊಮ್ಮೆ ಅನುಷ್ಕಾ ಶೆಟ್ಟಿ ಸ್ನೇಹಿತ ಪ್ರಭಾಸ್ ಬಗ್ಗೆ ಕೊಟ್ಟಿದ್ದ ಹೇಳಿಕೆ ಸಖತ್ ವೈರಲ್ ಆಗುತ್ತು. ಪ್ರಭಾಸ್ ನನ್ನ 3 AM ಫ್ರೆಂಡ್ ಎಂದಿದ್ದರು. ಇನ್ನು ಪ್ರಭಾಸ್ ಅವರು ಈ ಹಿಂದೆ ಅನುಷ್ಕಾ ಶೆಟ್ಟಿ ಅವರ ಮದುವೆ ನಿಲ್ಲಿಸಿದ್ದರಂತೆ. ಈ ವಿಷಯ ತುಂಬಾ ಕಡಿಮೆ ಜನರಿಗೆ ಗೊತ್ತು.
