ಇದೇ ಮೊದಲ ಬಾರಿಗೆ ಬಿಬಿಎಂಪಿ ವ್ಯಾಪ್ತಿಯ ಆಸ್ಪತ್ರೆಗಳಲ್ಲಿತುರ್ತು ಆರೋಗ್ಯ ಸೇವೆ, ಜನರಲ್‌ ಮೆಡಿಸಿನ್‌, ಸಾಮಾನ್ಯ ಶಸ್ತ್ರಚಿಕಿತ್ಸೆ ಹಾಗೂ ದಂತ ಚಿಕಿತ್ಸೆ ಒದಗಿಸಲು ‘ಬ್ರ್ಯಾಂಡ್‌ ಬೆಂಗಳೂರುಧಿ’ ಪರಿಕಲ್ಪನೆಯಡಿ ಯೋಜನೆ ರೂಪಿಸಲಾಗಿದ್ದು, ಶೀಘ್ರವೇ ಹೊಸ ಸೇವೆ ಪ್ರಾರಂಭವಾಗಲಿದೆ.ನಗರದಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿನ ಮೂಲ ಸೌಕರ್ಯಗಳನ್ನು ಮೇಲ್ದಜೆಗೇರಿಸುವುದರ ಜತೆಗೆ, ಇನ್ನಷ್ಟು ಮಾದರಿಯ ಚಿಕಿತ್ಸೆ ಒದಗಿಸಲು ಬಿಬಿಎಂಪಿ ಈ ಯೋಜನೆ ಕೈಗೆತ್ತಿಕೊಂಡು ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಿತ್ತು. ಕಳೆದೊಂದು ವರ್ಷದಿಂದ ಬಾಕಿಯಿದ್ದ ಈ ಪ್ರಸ್ತಾವನೆಗೆ ಕಳೆದ ಜ.16 ರಂದು ಅನುಮೋದನೆ ದೊರೆತಿದೆ.
ಭಾರತೀಯ ಸಾರ್ವಜನಿಕ ಆರೋಗ್ಯ ಮಾನದಂಡ-2022ರ ಮಾರ್ಗಸೂಚಿಯಂತೆ ನಗರ ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿತುರ್ತು ಆರೋಗ್ಯ ಚಿಕಿತ್ಸೆ, ಜನರಲ್‌ ಮೆಡಿಸಿನ್‌, ಸಾಮಾನ್ಯ ಶಸ್ತ್ರಚಿಕಿತ್ಸೆ, ದಂತ ಚಿಕಿತ್ಸೆಯಂತಹ ಸೇವೆಗಳನ್ನು ಒದಗಿಸುವುದು ಕಡ್ಡಾಯವಾಗಿದೆ. ಆದರೆ, ಈವರೆಗೆ ಬಿಬಿಎಂಪಿ ವ್ಯಾಪ್ತಿಯಲ್ಲಿರುವ ಒಟ್ಟು 26 ಆಸ್ಪತ್ರೆಗಳಲ್ಲಿಈ ಎಲ್ಲಸೇವೆಗಳು ಲಭ್ಯವಿರಲಿಲ್ಲ.ಭಾರತೀಯ ಸಾರ್ವಜನಿಕ ಆರೋಗ್ಯ ಮಾನದಂಡ-2022ರ ಮಾರ್ಗಸೂಚಿಯಂತೆ ನಗರ ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿತುರ್ತು ಆರೋಗ್ಯ ಚಿಕಿತ್ಸೆ, ಜನರಲ್‌ ಮೆಡಿಸಿನ್‌, ಸಾಮಾನ್ಯ ಶಸ್ತ್ರಚಿಕಿತ್ಸೆ, ದಂತ ಚಿಕಿತ್ಸೆಯಂತಹ ಸೇವೆಗಳನ್ನು ಒದಗಿಸುವುದು ಕಡ್ಡಾಯವಾಗಿದೆ. ಆದರೆ, ಈವರೆಗೆ ಬಿಬಿಎಂಪಿ ವ್ಯಾಪ್ತಿಯಲ್ಲಿರುವ ಒಟ್ಟು 26 ಆಸ್ಪತ್ರೆಗಳಲ್ಲಿಈ ಎಲ್ಲಸೇವೆಗಳು ಲಭ್ಯವಿರಲಿಲ್ಲ.
ಬಿಬಿಎಂಪಿಯ ಮಾಹಿತಿ ಪ್ರಕಾರ, 19 ಆಸ್ಪತ್ರೆಗಳ ಕಟ್ಟಡಗಳು ಆಧುನಿಕತೆಗೆ ತೆರೆದುಕೊಳ್ಳಲಿವೆ. 14 ಹೆರಿಗೆ ಆಸ್ಪತ್ರೆಗಳು ತಲಾ 30 ಹಾಸಿಗೆಯ ಆಸ್ಪತ್ರೆಗಳಾಗಿ ಮೇಲ್ದರ್ಜೆಗೇರಲಿದ್ದು, ಐದು ಸಮುದಾಯ ಆರೋಗ್ಯ ಕೇಂದ್ರಗಳು ತಲಾ 50 ಹಾಸಿಗೆಗಳ ಸಾಮರ್ಥ್ಯ ಹೊಂದಲಿವೆ. ಇದರಿಂದ ಈಗಾಗಲೇ 852 ಹಾಸಿಗೆಯುಳ್ಳ 14 ಹೆರಿಗೆ ಕೇಂದ್ರಗಳು ಹಾಗೂ ಐದು ಸಮುದಾಯ ಆರೋಗ್ಯ ಕೇಂದ್ರಗಳು ಮೇಲ್ದರ್ಜೆಗೇರಿದ ನಂತರ ಹಾಸಿಗೆ ಸಾಮರ್ಥ್ಯ 1122ಕ್ಕೆ ಏರಿಕೆಯಾಗಲಿದೆ.ಅಗತ್ಯವಾದ ಸಾಮಾನ್ಯ ಶಸ್ತ್ರಚಿಕಿತ್ಸೆ, ತುರ್ತು ಸೇವೆಗಾಗಿ ಮಾಡ್ಯುಲರ್‌ ಆಪರೇಷನ್‌ ಥಿಯೇಟರ್‌ಗಳನ್ನು ನಿರ್ಮಿಸಿ, ಅದಕ್ಕೆ ಬೇಕಾದ ಅಗತ್ಯ ಸೌಲಭ್ಯಗಳನ್ನು ಕಲ್ಪಿಸಲು ಉದ್ದೇಶಿಸಲಾಗಿದೆ. ಹೆರಿಗೆ ಆಸ್ಪತ್ರೆಯ ಕೊಠಡಿಗಳು ಹೊಸ ರೂಪ ತಾಳಲಿವೆ. ಎಲ್ಲೆಡೆ ಪ್ರಯೋಗಾಲಯಗಳು ಸ್ಥಾಪನೆಯಾಗಲಿವೆ. ಸ್ಥಳಾವಕಾಶದ ಆಧಾರದ ಮೇಲೆ ಹೆಚ್ಚುವರಿ ವಾರ್ಡ್‌ಗಳು ಸ್ಥಾಪನೆಯಾಗಲಿವೆ.
ವಿದ್ಯುತ್‌ ಸಮಸ್ಯೆ ತಪ್ಪಿಸುವುದಕ್ಕಾಗಿ 100 ಕೆವಿ ಸಾಮರ್ಥ್ಯದ ಟ್ರಾನ್ಸ್‌ಫಾರ್ಮರ್‌ ಮತ್ತು 100 ಕೆವಿಎ ಜನರೇಟರ್‌ಗಳ ಸ್ಥಾಪನೆ ಸೇರಿದಂತೆ ವಿದ್ಯುತ್‌ಗೆ ಸಂಬಂಧಿಸಿದ ಕೆಲಸ ಕೈಗೊಳ್ಳಲಾಗುತ್ತದೆ. ತುರ್ತು ಸಂದರ್ಭದಲ್ಲಿ ಸೇವೆ ಒದಗಿಸಲು ಅಂಬ್ಯುಲೆನ್ಸ್‌ಗಳನ್ನು ಒದಗಿಸಲಾಗುವುದು. ಜತೆಗೆ, ಆಸ್ಪತ್ರೆಗಳಿಗೆ ಅಗತ್ಯವಾಗಿ ಬೇಕಾದ ಹೊಸ ಪೀಠೋಪಕರಣಗಳನ್ನು ಖರೀದಿಸಿ, ಸಾರ್ವಜನಿಕರಿಗೆ ಉತ್ತಮ ಚಿಕಿತ್ಸೆ ಒದಗಿಸಲಾಗುವುದು ಎಂದು ಬಿಬಿಎಂಪಿ ಅಧಿಕಾರಿಗಳು ಮಾಹಿತಿ ನೀಡಿದರು.ಬಿಬಿಎಂಪಿ ವ್ಯಾಪ್ತಿಯ ಆಸ್ಪತ್ರೆಗಳಲ್ಲಿ ಒದಗಿಸುತ್ತಿರುವ ಆರೋಗ್ಯ ಸೇವೆಯ ವಿಸ್ತರಣೆಯ ಭಾಗವಾಗಿ ಈ ಮಹತ್ವಾಕಾಂಕ್ಷೆ ಯೋಜನೆ ಕೈಗೆತ್ತಿಕೊಳ್ಳಲಾಗಿದ್ದು, ಶೀಘ್ರವೇ ಟೆಂಡರ್‌ ಕರೆದು ಪ್ರಕ್ರಿಯೆ ಆರಂಭಿಸಲಾಗುವುದು.
