ಹೊಸದಿಲ್ಲಿ: ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಹೊಸ ನಾಯಕನ ಘೋಷಣೆಯಾಗಿದೆ. ಅನುಭವಿ ಕ್ರಿಕೆಟಿಗ ಅಕ್ಷರ್ ಪಟೇಲ್ ಅವರನ್ನು ತಂಡದ ಹೊಸ ನಾಯಕನನ್ನಾಗಿ ಘೋಷಿಸಲಾಗಿದೆ.2019ರಿಂದ ಅಕ್ಷರ್ ಪಟೇಲ್ ಅವರು ದೆಹಲಿ ತಂಡಕ್ಕೆ ಆಡುತ್ತಿದ್ದಾರೆ. ಐಪಿಎಲ್ ನಲ್ಲಿ ಇದುವರೆಗೆ 150 ಪಂದ್ಯಗಳನ್ನಾಡಿರುವ ಅವರು, ಆಲ್ರೌಂಡರ್ ಎಂದೇ ಗುರುತಿಸಿಕೊಂಡವರು. ಈವರೆಗೆ ಅವರು 1653 ರನ್ ಗಳನ್ನು ಹಾಗೂ 123 ವಿಕೆಟ್ ಗಳನ್ನು ಪಡೆದಿದ್ದಾರೆ.
ರಾಹುಲ್ ಬೇಡ ಎಂದಿದ್ದಕ್ಕೆ ಅಕ್ಷರ್ ಗೆ ಅವಕಾಶ
ಈವರೆಗೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಮುನ್ನಡೆಸಿದ್ದ ರಿಷಬ್ ಪಂತ್ ಅವರನ್ನು ನಾಯತ್ವದ ಜವಾಬ್ದಾರಿಯಿಂದ ಬದಲಾಯಿಸಲು ಡೆಲ್ಲಿ ತಂಡದ ವ್ಯವಸ್ಥಾಪಕ ಮಂಡಳಿ ನಿರ್ಧರಿಸಿತ್ತು. ಆಗ, ಮಂಡಳಿಯು ಯೋಚಿಸಿದ್ದು ಬ್ಯಾಟ್ಸ್ ಮನ್ – ಕಂ – ವಿಕೆಟ್ ಕೀಪರ್ ಕೆ.ಎಲ್. ರಾಹುಲ್. ಆದರೆ, ನಾಯಕತ್ವದ ಅವಕಾಶವನ್ನು ಕೆಎಲ್ ರಾಹುಲ್ ಅವರ ಮುಂದಿಟ್ಟಾಗ ರಾಹುಲ್ ಅವರು ಅದನ್ನು ನಯವಾಗಿ ತಿರಸ್ಕರಿಸಿದ್ದಾರೆ.ಆಗ, ಡೆಲ್ಲಿ ತಂಡದ ಸಾರಥ್ಯ ವಹಿಸುವುದು ಯಾರು ಎಂದು ಆಲೋಚಿಸಿದ್ದಾಗ ಅವರ ಮುಂದೆ ಬಂದ ಹೆಸರೇ ಅಕ್ಷರ್ ಪಟೇಲ್. ಅವರನ್ನು ಬಿಟ್ಟು ಸದ್ಯಕ್ಕೆ ಬೇರೆ ಯಾವುದೇ ಆಪ್ಷನ್ ಇಲ್ಲದ ಕಾರಣ, ಡೆಲ್ಲಿ ಕ್ಯಾಪಿಟಲ್ಸ್ ಆಡಳಿತ ಮಂಡಳಿಯು ಅಕ್ಷರ್ ಅವರ ಹೆಸರನ್ನೇ ಅಂತಿಮಗೊಳಿಸಿ, ಡೆಲ್ಲಿ ತಂಡದ ಹೊಸ ನಾಯಕ ಎಂದು ಘೋಷಿಸಿದೆ. ಈಗಾಗಲೇ ಹಲವಾರು ತಂಡಗಳಿಗೆ ತಮ್ಮ ನಾಯಕತ್ವ ಬದಲಾಯಿಸುವ ಅವಕಾಶ ಬಂದೊದಗಿತ್ತು. ಈಗಗಾಲೇ ಹಲವು ತಂಡಗಳು ತಮ್ಮ ತಂಡಗಳ ನಾಯಕರನ್ನು ಬದಲಾಯಿಸಿವೆ. ಆ ಸರಣಿಯಲ್ಲಿ 10ನೇ ತಂಡವಾಗಿ ಡೆಲ್ಲಿ ಕ್ಯಾಪಿಟಲ್ಸ್ ಹೊರಹೊಮ್ಮಿದೆ.
