ಕರ್ನಾಟಕ ಸರ್ಕಾರ ಹೌಸಿಂಗ್ ಫಾರ್ ಆಲ್ ಸ್ಕೀಮ್ ಅಡಿಯಲ್ಲಿ ‘ಬಡ್ಡಿರಹಿತ ಗೃಹ ಸಾಲ ಯೋಜನೆ’

ಕರ್ನಾಟಕ ಸರ್ಕಾರ ಗ್ರಾಮೀಣ ಮತ್ತು ನಗರ ಪ್ರದೇಶದ ಜನರಿಗೆ ‘ಬಡ್ಡಿರಹಿತ ಗೃಹ ಸಾಲ ಯೋಜನೆ ಜಾರಿ ಮಾಡಿದೆ. ಈ ಯೋಜನೆಯಡಿ, ಕೆಲವು ನಿರ್ದಿಷ್ಟ ಷರತ್ತುಗಳ ಅಡಿಯಲ್ಲಿ ಗೃಹ ಸಾಲಗಳ ಮೇಲೆ ಬಡ್ಡಿ ಸಬ್ಸಿಡಿ ನೀಡುತ್ತದೆ. ಮೆಗಾ ಹೌಸಿಂಗ್ ಫಾರ್ ಆಲ್ ಸ್ಕೀಮ್‌ನಲ್ಲಿ ಮುಂದಿನ ಎರಡೂವರೆ ವರ್ಷಗಳಲ್ಲಿ (30 ತಿಂಗಳು) ಸುಮಾರು 19 ಲಕ್ಷ ಮನೆ ನಿರ್ಮಿಸಲು ರಾಜ್ಯ ಸರ್ಕಾರ ಯೋಜಿಸುತ್ತಿದೆ.

ಕರ್ನಾಟಕ ಬಡ್ಡಿರಹಿತ ಗೃಹ ಸಾಲ ಯೋಜನೆಯಡಿ ನಗರ ಪ್ರದೇಶಗಳಲ್ಲಿ 12 ಲಕ್ಷ ರೂಪಾಯಿವರೆಗಿನ ಗೃಹ ಸಾಲಕ್ಕೆ ಬಡ್ಡಿ ಸಬ್ಸಿಡಿ ನೀಡಲು ಸರ್ಕಾರ ಮುಂದಾಗಿದೆ. ಇದಲ್ಲದೆ ಗ್ರಾಮೀಣ ಪ್ರದೇಶಗಳಿಗೆ 6 ಲಕ್ಷ ರೂಪಾಯಿವರೆಗಿನ ಗೃಹ ಸಾಲಕ್ಕೆ ಸರಕಾರವೇ ಬಡ್ಡಿ ಪಾವತಿಸಲಿದೆ. ಕರ್ನಾಟಕದ ಗೃಹ ಸಾಲ ಸಬ್ಸಿಡಿ ಪರಿಷ್ಕರಣೆಯ ನಂತರ ಜನರು ತಮ್ಮ ಮೂಲ ಸಾಲದ ಮೊತ್ತವನ್ನು ಬ್ಯಾಂಕುಗಳಿಗೆ ಮರುಪಾವತಿಸಬೇಕು.

ಕರ್ನಾಟಕ ಸರ್ಕಾರ ಹೌಸಿಂಗ್ ಫಾರ್ ಆಲ್ ಸ್ಕೀಮ್ ಅಡಿಯಲ್ಲಿ ಮುಂದಿನ 30 ತಿಂಗಳಲ್ಲಿ ಸುಮಾರು 19 ಲಕ್ಷ ಮನೆಗಳನ್ನು ನಿರ್ಮಿಸಲಿದೆ. ಹೊಸ ಗೃಹ ಸಾಲ ಸಬ್ಸಿಡಿ ಯೋಜನೆಯಡಿ, ಸರ್ಕಾರ ನಗರ ಫಲಾನುಭವಿಗಳಿಗೆ ಗರಿಷ್ಠ ₹12 ಲಕ್ಷ ಮತ್ತು ಗ್ರಾಮೀಣ ಪ್ರದೇಶದವರಿಗೆ ಗರಿಷ್ಠ ₹6 ಲಕ್ಷ ರೂ. ಸಾಲ ಪಡೆಯಬಹುದು.

ಪರಿಷ್ಕೃತ ಯೋಜನೆಯ ಪ್ರಕಾರ, ಫಲಾನುಭವಿಗಳು ಬ್ಯಾಂಕುಗಳಿಗೆ ಅಸಲು ಮೊತ್ತವನ್ನು ಮಾತ್ರ ಮರುಪಾವತಿಸಬೇಕು. ಕರ್ನಾಟಕ ಸರ್ಕಾರವು 15 ವರ್ಷಗಳ ಗರಿಷ್ಠ ಸಾಲದ ಅವಧಿಗೆ ವಸತಿ ಸಾಲಗಳ ಬಡ್ಡಿ ವೆಚ್ಚವನ್ನು ನಿಭಾಯಿಸಲಿದೆ. ಈ ಬಡ್ಡಿರಹಿತ ಗೃಹ ಸಾಲ ಯೋಜನೆಯಲ್ಲಿ, ಸರ್ಕಾರ ನಗರ ಪ್ರದೇಶಗಳಲ್ಲಿ 12 ಲಕ್ಷ ರೂಪಾಯಿ ಮೊತ್ತದ ಸಾಲಕ್ಕೆ ವಾರ್ಷಿಕ ಶೇ.6.5ರಂತೆ ಬಡ್ಡಿ ಪಾವತಿಸಲಿದೆ. ಅದರಂತೆ ಗ್ರಾಮೀಣ ಪ್ರದೇಶದಲ್ಲಿ 6 ಲಕ್ಷ ರೂಪಾಯಿ ಮೊತ್ತದ ಸಾಲಕ್ಕೆ ಶೇ.8ರ ದರದಲ್ಲಿ ಬಡ್ಡಿ ಪಾವತಿಸಲಿದೆ.

ವಸತಿ ಯೋಜನೆಯನ್ನು ಕರ್ನಾಟಕ ವಸತಿ ಮಂಡಳಿ, ಸ್ಥಳೀಯ ಸಂಸ್ಥೆಗಳು, ನಿಮಿತ್ರಿ ಕೇಂದ್ರಗಳು ಮತ್ತು ಕರ್ನಾಟಕ ರಸ್ತೆ ಮೂಲಸೌಕರ್ಯ ಅಭಿವೃದ್ಧಿ ನಿಗಮ ಮತ್ತು ಸಂಬಂಧಿತ ಸಂಸ್ಥೆಗಳ ಸಹಯೋಗದಲ್ಲಿ ಅನುಷ್ಠಾನ ಮಾಡಲಾಗುತ್ತಿದೆ.

3 ವಿಧಗಳಲ್ಲಿ ಸಾಲ ವಿತರಣೆ
ಹೂಡಿಕೆ ಮಾಡುವ ಪಕ್ಷಗಳ ಆಧಾರದ ಮೇಲೆ 3 ವಿಧದ ಸಾಲ ನೀಡಲಾಗುವುದು
ಮೊದಲ ಮಾದರಿ: ಪ್ರಧಾನ್‌ ಮಂತ್ರಿ ಆವಾಸ್ ಯೋಜನೆ (ಪಿಎಂಎವೈ)ಯಡಿ ಸಾಲ ಪಡೆದರೆ, ನಗರ ಪ್ರದೇಶಗಳಲ್ಲಿ (ಕೇಂದ್ರ ಸರ್ಕಾರದಿಂದ ₹6 ಲಕ್ಷ + ರಾಜ್ಯ ಸರ್ಕಾರದಿಂದ ₹6 ಲಕ್ಷ) ಸಾಲ ಪಡೆಯಬಹುದು. ಮತ್ತು ಗ್ರಾಮೀಣ ಪ್ರದೇಶದಲ್ಲಿ 6 ಲಕ್ಷ ರೂ. ಸಾಲ ಪಡೆಯಬಹುದು.
ಎರಡನೇ ಮಾದರಿ: ಮನೆಗಳನ್ನು ಸಾರ್ವಜನಿಕ ಖಾಸಗಿ ಸಹಭಾಗಿತ್ವದಿಂದ (ಪಿಪಿಪಿ) ನಿರ್ಮಿಸಬೇಕು. ಇದರಲ್ಲಿ ಜನರು ತಮ್ಮ ಸ್ವಂತ ಮನೆಯನ್ನು ಖರೀದಿಸಬಹುದು ಅಥವಾ ಅಭಿವೃದ್ಧಿಪಡಿಸಬಹುದು. ಅವರು ತಮ್ಮ ಮನೆಯನ್ನು ಹೆಚ್ಚು ಅಭಿವೃದ್ಧಿಪಡಿಸಲು ಬಯಸಿದರೆ ಸಾಲದ ಮಿತಿಯನ್ನು ಹೆಚ್ಚಿಸಬಹುದು. ಉಳಿದ ಮೊತ್ತವನ್ನು ಪಾವತಿಸಬೇಕಾಗುತ್ತದೆ.

ಮೂರನೇ ಮಾದರಿ: ಖಾಸಗಿ ಗುತ್ತಿಗೆದಾರರು ಭೂಮಿಯನ್ನು ಅಭಿವೃದ್ಧಿಪಡಿಸಿ, ಶೇ.50 ರಷ್ಟು ಭೂಮಿಯನ್ನು ಸರ್ಕಾರಕ್ಕೆ ಹಸ್ತಾಂತರಿಸುತ್ತಾರೆ. ಇದನ್ನು ಫಲಾನುಭವಿಗಳಿಗೆ ರವಾನಿಸಲಾಗುತ್ತದೆ.
ಕ್ರೆಡಿಟ್ ಲಿಂಕ್ಡ್ ಸಬ್ಸಿಡಿ ಸ್ಕೀಮ್ (ಸಿಎಲ್‌ಎಸ್ಎಸ್) ಪ್ರಕಾರ ಸರ್ಕಾರ ಬಡ್ಡಿ ಸಹಾಯಧನವನ್ನು ನೀಡುತ್ತದೆ.

ಅಗತ್ಯ ದಾಖಲೆಗಳು

ಪ್ಯಾನ್‌ ಕಾರ್ಡ್‌, ಆಧಾರ್‌ ಕಾರ್ಡ್‌, ವೋಟರ್‌ ಐಡಿ, ಡ್ರೈವಿಂಗ್‌ ಲೈಸೆನ್ಸ್‌ , ಇವುಗಳಲ್ಲಿ ಯಾವುದಾದರೊಂದು ಐಡಿ ಇರಬೇಕು.

ಆಧಾರ್‌, ಡ್ರೈವಿಂಗ್‌ ಲೈಸೆನ್ಸ್‌, ವಿದ್ಯುತ್‌ ಬಿಲ್, ಗ್ಯಾಸ್‌ ಬಿಲ್‌, ವಾಟರ್‌ ಬಿಲ್‌ ಇವುಗಳಲ್ಲಿ ಯಾವುದಾದರೊಂದು ವಿಳಾಸ ಪುರಾವೆ ಇರಬೇಕು.

ಪಾಸ್‌ಪೋರ್ಟ್‌ ಅಳತೆಯ ಫೋಟೋ

ಸ್ಯಾಲರಿ ಸ್ಲಿಪ್‌ ಅಥವಾ ಕಳೆದ 6 ತಿಂಗಳ ಬ್ಯಾಂಕ್‌ ಸ್ಟೇಟ್‌ಮೆಂಟ್

ಸಾಲ ಪಡೆಯುವುದು ಹೇಗೆ?
ಹತ್ತಿರದ ವಾಣಿಜ್ಯ ಬ್ಯಾಂಕ್ ಶಾಖೆಗೆ ಭೇಟಿ ನೀಡಿ. ಆ ಬ್ಯಾಂಕ್‌ನಲ್ಲಿ ನೀವು ಖಾತೆ ಹೊಂಡಿರಬೇಕು. ಆಯಾ ಪ್ರದೇಶ ಅಥವಾ ಮನೆಯ ಮೇಲೆ, ನೋಂದಣಿ ಸಮಯದಲ್ಲಿ ಬ್ಯಾಂಕ್ ಕೇಳುವ ದಾಖಲೆಗಳನ್ನು ಸಲ್ಲಿಸುವ ಮೂಲಕ ನೀವು ಸುಲಭವಾಗಿ ಅರ್ಜಿ ಸಲ್ಲಿಸಬಹುದು.