ನಟ ಪುನೀತ್ ರಾಜ್ ಕುಮಾರ್ (Power Star Puneeth Rajkumar) ಸ್ಮರಣಾರ್ಥ ಹಿನ್ನೆಲೆ ಅಪ್ಪು ನಟನೆಯ ರಾಜಕುಮಾರ (Rajkumar Movie)ಚಿತ್ರವನ್ನು ಬಿಡುಗಡೆ ಮಾಡಲಾಗಿದೆ. ಪುನೀತ್ ಅಭಿಮಾನಿಗಳಿಗಾಗಿ ಚಿತ್ರ ಪ್ರದರ್ಶನ ಏರ್ಪಡಿಸಲಾಗಿದ್ದು, ಉಚಿತ ಪ್ರವೇಶ ನೀಡಲಾಗುವುದು ಎಂದು ಥಿಯೇಟರ್ ಮಾಲೀಕರು ಹೇಳಿದ್ದಾರೆ.
ಬೆಂಗಳೂರಿನ ಪದ್ಮನಾಭನಗರ ಬಳಿಯ ಗೌಡನಪಾಳ್ಯದ ಶ್ರೀನಿವಾಸ ಚಿತ್ರಮಂದಿರದಲ್ಲಿ ಉಚಿತ ಸಿನಿಮಾ ಪ್ರದರ್ಶನ ಏರ್ಪಡಿಸಲಾಗಿದೆ. ಇಂದು ಬೆಳಗ್ಗೆ 7.30ರಿಂದ ರಾಜಕುಮಾರ ಚಿತ್ರ ಪ್ರದರ್ಶನ ಆಗುತ್ತಿದೆ. ವಿಷಯ ತಿಳಿದು ಅಭಿಮಾನಿಗಳು ಸಹ ಚಿತ್ರಮಂದಿರದತ್ತ ಆಗಮಿಸುತ್ತಿದ್ದಾರೆ .
ಪುನೀತ್ ಅಭಿಮಾನಿಗಳಿಗೆ ಸ್ಪೆಷಲ್ ಶೋ ಆರೆಂಜ್ ಮಾಡಲಾಗಿದೆ. 7.30 ಕ್ಕೆ ಶೋ ಆರಂಭವಾಗಲಿದೆ. 630 ಅಭಿಮಾನಿಗಳಿಗೆ ಚಿತ್ರ ವೀಕ್ಷಣೆಗೆ ಅವಕಾಶ ಇದೆ. ಅಪ್ಪು ಅಭಿಯನಯದ ಎಲ್ಲಾ ಚಿತ್ರಗಳು ಇಲ್ಲಿ ತೆರೆಕಂಡಿವೆ. ಇವತ್ತು ಅಪ್ಪು ಇಲ್ಲ ಅನ್ನೋದನ್ನ ಅರಗಿಸಿಕೊಳ್ಳಲು ಅಗತ್ತಿಲ್ಲ. ಸಾಕಷ್ಟು ಬಾರಿ ಈ ಚಿತ್ರಮಂದಿರಕ್ಕೆ ಭೇಟಿ ನೀಡಿದ್ರು. ಸಿಬ್ಬಂದಿ ಜೊತೆ ಯಾವುದೇ ಅಹಂ ಇಲ್ಲದೇ ಬೆರೆಯುತ್ತಿದ್ರು. ಅವರನ್ನ ಕಳೆದುಕೊಂಡು ಬಹಳ ನೋವಾಗಿದೆ ಎಂದು ಶ್ರೀನಿವಾಸ್ ಚಿತ್ರ ಮಂದಿರದ ಮ್ಯಾನೇಜರ್ ರವಿ ಹೇಳಿದ್ದಾರೆ.
